Get Mystery Box with random crypto!

#轉載 【江湖救急 大家幫手清倉】 一四折平賣高級O2口罩,只求清 | 本土經濟圈 - 米豬連盟

#轉載

【江湖救急 大家幫手清倉】
一四折平賣高級O2口罩,只求清貨,來貨價$549,現售$80,希望大家一齊幫手清倉!

寄賣地點:馬頭圍邨水仙樓海藥堂中醫診所

前土瓜灣區議員馬希鵬同黎廣偉於疫情初期口罩荒不惜高價入大量口罩,只求街坊人人有口罩用。點知冇得Claim政府錢之餘,到貨日仲被人一延再延,等到貨到時,口罩荒已退,最後變咗自掏銀包之餘,仲要囤倉。

到咗DQ潮,辦事處無埋,而貨呢,繼續積存。幸得海藥堂老闆幫忙存貨同寄賣,希望大家幫幫手,去海堂買兩盒O2口罩。兩位議員已不求回本,只求清倉,以免浪費。

於做區而言,兩位議員未必好識宣傳自己,我直頭當面批評過佢哋搞鼠患搞菜檔發力十足但傳唔入街坊隻耳。而口罩呢壇嘢,馬後炮啲講仲有啲傻仔。

但我諗,大家就係鍾意佢哋仍然願意做傻仔。呢個時代,喺得權之後,責任多咗,顧慮多咗,發聲難,秉持赤子之心發聲更難。無咩計算,無咩考慮自己得益,為街坊好,做咗先啦。

於我而言,猶記得,每一次身邊街坊被捕、被還押,呢兩位議員都會低調提供支援,做咗好多次街坊嘅定心針。有啲嘢,大眾未必知,但被施以援手嘅人,一定記得。

19年起,有幸認識一眾區議員及候選人,自問同一眾議員同候選人私交甚淺(我係有社交障礙嘅毒L,見諒),但仍同大家分別暢談點先叫做區,曾經為咗社區規劃、自我宣傳、資源運用嘅平衡辯論到面紅耳赤,更難得嘅係,一遇上難題,永遠都見到你哋伸出援手,呢份感激,永在心中。

與你哋幾位並肩同行,我與有榮焉。

一方有難,八方支援。
大家仲記得嗎?

【O2口罩 售賣詳情】
售價:一盒$80(當中海藥堂收取$10,以答謝海藥堂提供倉庫及售賣點)
售賣點:馬頭圍邨水仙樓海藥堂中醫診所

原Post: https://www.facebook.com/104903437990809/posts/364180478729769/?d=n