【初選47人案：新西會議內鬼身份曝光】
巫堃泰出咗一段Tweet踢爆內鬼唔止一人，而其中一人就係風雲計劃成員之一陳鑫（Kim Chan）。簡單咁譯一次全部內容：
1/ 陳鑫，前輔警、前民建聯助理，聲稱因爲14雨傘運動而轉軚支持戴耀廷，喺2017年加入戴耀廷嘅風雲計劃，諗住2019參加區選。
2/ 陳鑫喺2019年頭開始做區，但喺區選前2個月突然抽身，由李梓成接任。陳鑫用咗2年時間參加風雲計劃但又突然退出，呢個已經係一個警號。
3/ 陳鑫俾人發現喺2016年投稿大公報（https://t.co/fDT6XKdfU1），但戴耀廷都係信任佢同俾佢加入風雲計劃。
4/ 陳鑫成日出現喺戴耀廷喺D100嘅電台節目。
5/ 巫堃泰喺2020年參與第一次新西初選會議，而陳鑫亦有現身，並介紹自己係風雲計劃成員。而呢一次會議本身應該只係得參選人出席，計劃成員係唔應該出現。所以巫堃泰喺呢場會議無發言。
6/ 會議完結後一日，大公報就已經報導曬呢場會議嘅詳細內容，甚至搵埋記者喺門口偷影曬參選者。巫堃泰覺得會議入面肯定有大公報嘅人，所以就無參與落去。
7/ 喺初選47人案中流出嘅新西會議片中，內容同陳鑫喺2021年俾嘅供詞好吻合。除咗陳鑫外仲有一個內鬼，等佢身份俾人踢爆後再講。初選內部一早癱瘓。
8/ 問：所以你（巫堃泰）因爲陳鑫而無再參與初選會議？
答：係完全退出初選。戴耀廷果一套喺理論定結構上都有缺陷。喺一次錄影會議當中，尹兆堅嘅助手問逼人參選/退出選舉時會唔會違反選舉條例時，戴耀廷完全答唔到。
