47人案｜控方匿名證人指供稱戴耀廷曾提及「推翻政府」 盤問下認口供或沒提
47 名民主派被控「串謀顛覆國家政權」罪一案，周二（9 日）展開第 55 日審訊。控方匿名證人 X 在法官陳仲衡提問下稱，在新界西初選協調會議拍攝及錄音、作出記錄，是「因為了解下佢（戴耀廷）提過搞個 35+，就係想『推翻政府』吖嘛。」
法官李運騰問，即 X 出席的原因，是作出紀錄，其後向警方報案？X 稱，同意自己用作研究，但不同意是給警方。
X 又供稱，戴在當日會議前曾提到「35+」控制初選人數入到立法會，可以控制立法會，否決財政預算案，以逼使特首下台，「咁我就覺得依個應該好大問題囉，就唔係為社區做嘢囉。」X 在法官提問下同意，自己是故意、知情及想清楚後才行動。
何啟明代表大狀阮偉明盤問時，引用 X 於 2021 年 4 月 29 日及 5 月 4 日向警方錄取的兩份口供，指 X 沒有對警方提及戴說過「推翻政府」。X 答稱，「如果你話口供入面寫嘅字眼，可能當時我無提過依樣嘢」。
阮向 X 指出，戴從沒提出「推翻政府」。X 則稱，「咁我喺我同佢傾計嗰個過程，以我理解，佢話要逼特首落台，以我嘅理解，即係我覺得，逼特首落台，就係要推翻政府」。
阮再問，「所以是你自己透過與戴的對話，得出的個人結論？」X 答，「咁喺多次同佢傾計之中，佢喺多次傾計都係強調依樣野，佢話要逼特首落台」。
法官就控方第四名證人批出匿名令，規定以「X 先生」為代稱，並禁止任何人以仼何形式披露可識辨 X 的資料。
稍後有詳細報道。
