#西九龍法院大樓第十庭 (暫代區院) #張潔宜法官 #審訊 [14/20] #1 | 阿囝搵老豆老母(Stand with Ukraine) 🇺🇦

#西九龍法院大樓第十庭 (暫代區院)
#張潔宜法官 #審訊 [14/20]
#1118油麻地 #營救理大 #暴動

D1:歐(23) D3:陳(31)
D5:朱(28) D6:梁(18)
D8:梁(25)

控罪：暴動 [所有被告人]
各被告同被控於2019年11月18日，在油麻地窩打老道與咸美頓街之間的彌敦道一帶，連同其他身分不詳的人參與暴動。

承上：https://telegra.ph/DCCC438-2021-D1作供-05-23

－－－－－－－－－－
09:33 開庭，D1歐小姐繼續作供 #自辯

被告感激義務救護員當時伸出援手
控方質疑歐聲稱當日有義務救護員替她戴防毒面具，將濾棉塞入其衣袋等情況並不合理。主控稱「咁人哋畀d咩可疑物品，有毒品有盛畀你都唔知㗎喎。」又指「嗰陣千幾二千人暴動，佢畀一啲示威者用嘅物品你，你都仲係覺得佢幫緊你？」

歐聲線顫抖地解釋：「當時我挨係鐵閘咳，有兩個人行過嚟幫我，我係覺得好感恩……你唔明嗰陣有幾辛苦，嗰陣喉嚨乸到好似嘔完之後d胃酸停係喉嚨咁，所以好難好理性咁去諗咁多嘢，佢哋咁好心幫我，我諗佢唔會害我，我當時真係無咁諗其他人！」


質疑被告明知警察追捕仍然逃走
控方總結案情，指被告必然知道配備長槍短槍，手持圓盾的人是警員，亦知道警員快跑是執行任務，為何不先入Circle K暫避讓警員執行任務？質疑被告「當警員向你方向嗌，你本能反應係愈嗌愈走？」

歐解釋「嗰陣驚起上嚟諗唔到咁多嘢，本能反應向後跑，如果而家諗返，係應該入Circle K囉，但我嗰時太驚啦。當時無留意佢哋裝備，淨係見到全身黑色唔知佢哋係警察。」

此外，控方又質疑歐當日孭的背囊沒有被拖行跡象，只有少少花痕，與歐證供不符，而背囊底部的污跡有可能是放在地上造成。歐回應指不認為背囊可反映當時情況。


控方質疑被告誣蔑警員插贓
控方指出，警員要為雙手反鎖的歐戴上一對合身手套有一定難度，若警員要插贓，大可以將手套放入歐的背囊，根本毋須先向歐查問「對手套是咪你？」。控方質疑歐聲稱當晚警員將戴手套並不合理，其實手套是歐戴住前往現場參與暴動的。歐不同意上述控方說法。

＊詳情後補

審訊14:30繼續