#Admin專欄 #阿布泰離叛後應如何看待黃色經濟圈？ @Windseasonbro | 香港人Secrets

#Admin專欄 #阿布泰離叛後應如何看待黃色經濟圈？ @Windseasonbro

2023年重講黃色經濟圈？

係，我就係少數2023年仍然堅持黃店嘅傻人。

黃色經濟圈，相信大家唔會陌生，而今日我想講下阿布泰單嘢，睇下我哋應該點看待已經沒落嘅黃色經濟圈。

首先睇下阿布泰創辦人林景楠嘅背景。

因為2014年雨傘運動，觸發到後續嘅「光復行動」遊行，而2015年2月，林景楠因為途經「光復沙田」表態而被海關炒咗，同年年尾，跟泰籍老婆喺九龍城開一間泰國小店，就係後來嘅阿布泰。

睇到呢度，佢毫無疑問係一個黃絲（2014已有黃藍之分），而阿布泰成為黃店，就係因為2020年武肺之疫，佢係第一批向香港人提供口罩貨源嘅舖頭，而之後一路將黃店貨上架，係一個少數嘅黃色連鎖店。

然而我本人一直都無去阿布泰買嘢，一嚟Mark up太多，二嚟我對泰國貨無感，三嚟就係我覺得重有好多黃店值得幫襯。

黃色經濟圈，係2019年嘅產物，當時最早係6月同8月各有舖頭罷工，我相信當刻嘅黃店並唔係因為要獲利而做「罷工Show」，而甚至當時連「黃店」之名都未廣泛流傳。

我真心覺得有一班黃店係真心幫小朋友，當時派餐券、捐款星火同612、連儂牆同黃店內連儂牆，其實都係Visualize民意，當民意被扭曲，黃店就係一個渠道，一個媒介去表達同宣洩。

或者有好多名過於實、人血饅頭嘅偽黃店，但更多嘅係默默無聞、深耕細作嘅真黃店。

「黃到金」嘅有9Cake、隱世市集果類，重有唔同嘅舖頭仔（唔想用「小店」一詞），612捐錢，85罷工...，好多時向民眾派水派食物，可能你哋覺得小恩小惠，但其實佢好多都面對極權監控同打壓嘅風險繼續參與Mee 認證。

其實小本經營嘅舖頭仔會唔會為賺少少嘅人血饅頭而冒險犯法？

當然，你話立国安法後好多黃店都拆咗文宣，但誠然我仍然去過某d黃店繼續有抗爭意志。

例如9Cake，呢個係最好嘅例子，但係唔係最將黃店資格set到咁高呢？我亦知道有幾間黃店，真真正正拎幾十個去支援真心去外國讀書嘅手足。

而該手足亦唔係呃家長錢嘅老鼠屎，黃圈好大，的而且確有老鼠屎，但我相信吸引力法則，當你做好自己，你吸引到嘅自然係好人，亦無愧於心。

我曾經去黃店派聖誕卡嘅時候，都有黃店老細打算請客，但我都一一婉拒了。

因為我都唔係聖人，所以我會警醒自己唔可以因為黃而賺錢。

賺藍養黃，都好過賺黃養自己。

阿布泰對我嚟講，佢嘅商業味一直都重，商品Mark up太多，我本身甚至唔認為佢係一間黃店，因為佢連黃店嘅文宣都欠奉。

2023年，幫襯黃店並不可恥，要記得重有好多值得支持嘅黃店，黃店並唔係一種潮流，而係一種堅持。

當有黃店令你失望，咁係因為佢唔夠堅持，佢無資格再叫做黃店。

當你對一直堅持嘅黃店反感，咁係你唔夠堅持。

如果你中意睇到風巴 @windseasonbro 鳩噏，請你邀請3個以上嘅朋友Join tg並 fol @windseasonhk ，並fwd畀你所有Gp，thanks 。