Get Mystery Box with random crypto!

#投稿 今日初七人日,祝大家生日快樂 好可惜,現實生活之中, | 香港人Secrets

#投稿

今日初七人日,祝大家生日快樂

好可惜,現實生活之中,可以親口講聲「生日快樂」嘅現實中嘅朋友,依家得返風巴一個,(反針谷新相識嘅唔計,大家完全無見過面…… )舊年政府大規模迫針嘅時候,我已經甩晒啲自己打晒針、又水我去打嘅「朋友」,即係甩得七七八八
點解我要甩佢哋呢?因為正常嚟講,被迫做某啲嘢嘅人,心理上都已經唔係咁平衡,尤其打針嘅嘢,好與壞都不能逆轉嘅情況,一旦心態上轉變,亦都唔會再改變,所以我敢肯定呢班人十之八九都會魚蛋落去……(當然都會有真心膠,不過都係煩膠囉 )

但係,我睇到有一個例外。

當初風和同大家講話佢打咗針嘅時候,我同好多讀者嘅反應都好驚訝。講真,嗰陣時我對佢嘅信任,甚至好感程度,都有少少負面。但係我唔想風巴難做,一來最了解風和嘅人都應該係風巴,而我就完全唔識風和,所以我無資格過早評論佢;況且以風巴處事嘅成熟程度,實在毋須要我去多管閒事,所以一路我都係對風和冷眼旁觀,喺風巴面前亦都無半句批評佢——可能連風巴都唔知!

直到堅持咗咁耐,豆苗證都廢埋,風和都重堅持企喺我哋呢邊一齊反針,真係令我刮目相看!到而家我終於都對佢下一個結論啦:風和真係一個心地非常善良嘅人,佢嘅處境比我更孤獨,兩面不討好,但係仍然堅持做正確嘅事,呢種人如果做朋友,真係最好!至於當初點解佢要打針,已經唔重要啦,始終都係佢個人嘅事,希望大家都繼續當佢自己人啦!同埋希望上天保祐佢身體健康,希望佢會係平安無事嗰班幸運兒

(我都想搵一個合適嘅時機講呢番說話,但係一路都搵唔到,今日提起,好似有啲怪怪地…… )