2022-08-24 02:30:58
#民進黨 ：選舉到啦，香港个代誌就是我个代誌（今次下底會有埋汁）
最近民進黨推出咗「專案」去幫香港後生，重要喺「自由亞洲電台」大造文章，言下之意，即係「放得上檯面」，原來係放得上檯面，而非原本所謂「偷偷地」、「靜雞雞」、「靜靜雞」幫手足，即係其實光明正大月 #HF177 #HF178 （因政治因素而致安全及自由受有緊急危害，經行政院大陸委員會會同有關機關審查通過者。）應該都唔會咩事。
睇返時間表，二零一九年民進黨選舉前半年支持香港，五月連任就即刻話「部分或全部停止適用《港澳條例》」，然後二一年底一堆投資移民被拒，二二年頭就開始吹有政黨要求取消《港澳條例》」，然後民進黨就話係冤枉，係共匪滲透，到啱啱八月中就喺RFA出文話最近民進黨推出咗「專案」去幫香港後生。
睇返選舉時間表，十一月就係「九合一選舉」，即係縣巿長立委選舉，得返一百日，難怪同二零年啱啱選舉完嘅態度一百八十度大轉變。
根據RFA內容，專案要人拎1.5倍人工，1.5倍人工的確易過兩倍人工，但世界上邊度會有「最低庇護工資」？出咗台北又有冇呢個價？文社科仔又有冇可能拎到呢個價？即刻批工作簽證出嚟，兩三年前已經可以做嘅嘢點解又會拖到二二年九合一選舉先忽然好關心香港人？
然後一路以嚟有班大陸出世嘅手足就因為無「回鄉證」畀民進黨撚化咗兩年冇居留證，另外有班就打去台香辦畀人叫佢返香港換護照，租唔到屋、手機上唔到台、拎唔到健保等等，而家先學生唔再限廿個鐘頭工時，人哋前面冇居留證嗰班食咗兩三年草打咗咁耐黑工先出嚟被鑊。但其實最好笑係，你喺台灣有居留證冇Valid 護照係上唔到台，開唔到銀行。
其實 #何歡喜 最怕選舉完咗，民進黨大勝，手足又變Condom。
——————————————————————
最後麻煩各位，唔識台灣政治唔好再喺中華民國選舉公開支持任何一個政黨，先唔講有機會犯法，如果其他黨贏咗，佢哋清算香港人又點算？
另外，睇台灣新聞唔好淨係睇「三民自」，睇「三民自」同睇大公民滙冇分別，二月「何歡喜團隊事件」淨係得TVBS 同台視企係 #何歡喜 嗰邊，其他包括《中央社》通通引用《文滙報》報導。
#HFH
136 views23:30
![电报频道的标志 hklinkedroc — [UFHKE] 🇹🇼 民國香港連綫 🇹🇼](https://logos.telegram-store.com/channels/hklinkedroc/telegram_logo.jpg){kind=logo}
U
