Get Mystery Box with random crypto!

澳洲香港人日程 引自 Instagram @hkpaceqld : 中國共產黨引以為傲 | 香港人抗爭日程表文宣頻道

澳洲香港人日程
引自 Instagram @hkpaceqld :
中國共產黨引以為傲嘅統戰部,可以話係於其勢力擴張之計中,不可或缺嘅一環。要對中共發動到有威脅性嘅攻擊,其中一樣要做嘅,就係要研究中共統戰部嘅工作。要反滲透、反統戰,就必先要了解中國於世界各地如何進行滲透、有何滲透項目,所派出嘅間諜等等。與其年年玩搶口賀佢老母,不如開始就我哋已知嘅資訊,籌備及展開對中共統戰工作嘅干預及反擊。

要與中共對弈,必先要將我方作為反抗、還擊一群嘅架構升格,為組織革命黨鋪路。反統戰、反滲透正係本組織持續進行嘅工作,亦開始略見眉目,包括本組織嘅成員曾將中共間諜廖嬋娥成功拉落馬,致其於本屆澳洲政府中,不論係下議院或市政府皆空無一席。

嚟緊嘅十月一日,適逢中共黨慶,我哋誠邀各位於晏晝2點-4點出席本組織舉辦嘅「中共滲透 · 赤化澳洲」公開論壇,剖析現時中共在澳嘅滲透項目 ———反滲透、反統戰就係由此入手。

時間:十月一日2pm - 4pm
地點: St Lucia Community Hall
27 Guilfoyle Street, St Lucia