吳文遠: 我有少少嘢想講,希望你哋可以慢慢睇…… 其實話說咁多年來, 試過幾個人去示威冇人理冇記者, 試過十條友對抗成千件建制雇傭兵, 試過吹雞大遊行得三四千人, 試過抗爭完仲俾人攞彩或笑on9, 試過無數次俾人吐口, 試過幾次俾黑社會圍剿, 試過無數次俾警察打, 試過拉完、告完、坐完, 然後再拉、再告、再坐, 雨傘運動爆發、成功、挫敗, 民主運動分裂、內耗、瓦解, 由俾人話點解乜都做唔到, 到俾人話做乜都冇用。 但係,我哋一於少理,自己做自己,繼續做應該做的事,因為我始終相信,哪裏有壓迫,哪裏就有反抗,只要繼續有人肯做爛頭卒,慢慢總會有更多人企出嚟。 所以,當三年前嘅今日,有一百萬人上街,我一啲都唔覺得出奇,因為係inevitable。但係當見到數不盡嘅人海,我真係感動到要忍住唔喊出來,從心入邊湧出一句說話「屌你,終於出嚟喇!」…… 沒有最黑暗,只有更黑暗。三年過去,要坐監嘅坐監,要離開嘅離開,香港人活喺前所未有嘅挫敗當中。 但係,我想提醒各位,以前唔係未試過失敗,以後都仲可能要失敗多好多次。你可以感覺沮喪無力,甚至乎要活在焦慮恐懼當中,但無論你留在香港,定身在遠方,千其千其唔好放棄。 自己的自由尊嚴,要靠自己奮鬥,跌低咗,痛過,企返起身,再嚟過,一日未死,一日要繼續鬥長命。 不要氣餒,不要小看人民,邪不能勝正,我們會再次起來,我們會再次在街上相見。 #Wewillbeback #起來不願做奴隸的人們 請訂閱作戰研究院 Telegram Channel ➼ @FightResearch 戰術研究 | 抗爭資訊 | 時局分析 | 評論 | 趣事 452 views14:15